Chance Myanmar ဆိုတာ
မြန်မာပြည်ရဲ့ ထူးချွန်ထက်မြက်တဲ့အမျိုးသမီးများစုဝေးရာ အွန်လိုင်းသင်တန်းကျောင်းတစ်ခုဖြစ်ပါတယ်။ Chance Myanmar ကို တည်ထောင်သူ မဖြိုးဖြိုးအောင်၏ ဖခင်ဖြစ်သူက မဖြိုးကို အမြဲလိုလို သွန်သင်ဆုံးမလေ့ရှိသော စကားတစ်ခွန်း ရှိပါတယ်။ အမျိုးသမီးတစ်ယောက် ဖြစ်တဲ့အတွက် သာမန်ရိုးကျ အလုပ်များ၊ အိမ်ထောင်မှုကိစ္စများ၊ မီးဖိုချောင်ကိစ္စများနှင့်သာ တစ်ဘ၀လုံး အချိန် မကုန်ဆုံးစေသင့်ကြောင်း ဖြစ်ပါတယ်။ ဒီစကားလုံးတွေကြောင့်ပဲ ဒီနေ့ ဒီချိန်မှာ အားလုံးသိထားကြတဲ့ Chance Myanmar ရဲ့ Founder မဖြိုးက အမျိုးသားတွေနဲ့ ရင်ဘောင်တန်းပြီး ယုံကြည်မှုအပြည့်နဲ့ အောင်မြင်တဲ့ အမျိုးသမီးတစ်ယောက်အနေနဲ့ ရပ်တည်နေနိုင်တာဖြစ်ပါတယ်။ မဖြိုးက သူလိုမြန်မာအမျိုးသမီးတိုင်းကို အမျိုးသားများနဲ့ တန်းတူ အခွင့်အရေးရရှိပြီး ထူးချွန်တဲ့ ကိုယ်ဘဝကိုကိုယ်ပိုင်တဲ့ လွတ်လပ်တဲ့ သတိရှိတဲ့သူတွေဖြစ်ဖို့အတွက် Chance တည်ရှိနေတာဖြစ်ပါတယ်။ ဒါကြောင့် အမျိုးသမီးများ အောင်မြင်ပြီး တန်းတူအခွင့်အရေး ရရှိစေရန်အတွက် Chance Myanmar မှ ယုံကြည်ထားသော အချက် ၄ ချက်ရှိပါတယ်။ (၁) ပညာရေး (Education) အမျိုးသမီးများ အနေနဲ့ ပညာတတ်မှ ကိုယ့်ဘ၀ကိုယ် တည်ဆောက်နိုင်မှာဖြစ်ပြီး တခြားသူများကိုလည်း တာဝန်ယူနိုင်မှာ ဖြစ်ပါတယ်။ (၂) အမျိုးသမီးများ ကိုယ်ပိုင်ဝင်ငွေရှိရမယ်။ ကိုယ်ပိုင်ဝင်ငွေ ရှိမှတခြားသူများအပေါ်မှာ မှီခိုနေစရာ မလိုတော့ဘဲ ကိုယ်ပိုင် Power စွမ်းအား ရှိလာမှာဖြစ်ပါတယ်။ (၃) အမျိုးသမီးများက ကျွမ်းကျင်မှုတွေများစွာရှိရမယ် ဒါမှကိုယ်က ကိုယ့်အလုပ်နဲ့ လူမူရေးမှာ သူများအတွက်တန်ဖိုးရှိတဲ့လူတစ်ယောက်ဖြစ်မှာပါ (၄)​ ကိုယ်ပိုင်အခန်းတစ်ခန်းရှိရမယ်။ အမျိုးသမီးတစ်ယောက်အနေနဲ့ဘ၀တွင် ဖြစ်မြောက်ချင်တဲ့ အရာတွေ၊ ဖန်တီးချင်တဲ့ အရာတွေကို လွတ်လွတ်လက်လပ် တွေးတော စဉ်းစားတွေးခေါ်နိုင်ဖိုအတွက် သီးခြား ကိုယ်ပိုင်နေရာ Private Space တစ်ခုရှိဖို့ဖြစ်ပါတယ်။ ဒီခံယူချက်တွေနဲ့ ကျွန်မတို့ Chance Myanmar မှ ကိုယ်ထူးကိုယ်ချွန်ပြီး ထူးချွန်ထက်မြက်တဲ့အမျိုးသမီးများစုဝေးရာ အွန်လိုင်းသင်တန်းကျောင်းတစ်ခုဖြစ်ပါတယ်။