လူတိုင်းရဲ့ ဘ၀မှာ အတွေးဆုံးအရာ၊အချိန်အများစုမှာ အပိုင်ဆိုင်ချင်ဆုံး အရာကပိုက်ဆံလို့ ပြောရင် မမှားပါဘူး။ ပိုက်ဆံဆိုတာ စွမ်းအားပါဝါ ရှိပါတယ်။ ဒါပေမဲ့ ဖြိုး အမြဲတမ်း ပြောနေသလို ပိုက်ဆံကို ကြိုက်ပါ၊ ပိုက်ဆံကို မမက်ပါနဲ့ ဆိုတဲ့ စကားရှိပါတယ်။

The Psychology Of Money စာအုပ်လေးကလည်း ဒီလိုမျိုး အတူတူပါပဲ။
ဒီစာအုပ်ထဲမှာ အဓိက ပြောချင်တဲ့အကြောင်းအရာကတော့ ပိုက်ဆံကို ကြိုက်လို့ရတယ်၊ ပိုက်ဆံကို မက်လို့ မရဘူး ဆိုတာနဲ့ နောက်ထပ် အရေးအကြီးဆုံး
အချက်ကတော့ ပိုက်ဆံ ချမ်းသာကြွယ်၀မှုတော့ ရှိနေပါရဲ့၊ ဒါပေမဲ့ ဒီပိုက်ဆံကို ကျွမ်းကျင်စွာ စီမံခန့်ခွဲမှု မပြုလုပ်နိုင်ဘူးဆိုရင်တော့ ကိုယ် ရှာဖွေခဲ့ရသမျှ ငွေကြေးတွေက လွယ်လွယ် ပြန်လည်ကုန်ဆုံးသွားနိုင်တယ် ဆိုတဲ့ အကြောင်း ဖြစ်ပါတယ်။

ဒီလိုမျိုး အခု The Psychology Of Money စာအုပ်ထဲမှာ ပါဝင်တဲ့ အခန်းပေါင်း (၂၀) ကျော်ထဲက အရေးအကြီးဆုံး အချက်အလက်များကို ထုတ်နုတ်ပြီး ဖြိုးရဲ့ စာဖတ်ဝိုင်း Phyo’s Book Club မှာ အသေးစိတ် ပြောပြပေးထားပါတယ်။